မုံရွာယာဉ်ထိန်းရဲများ ယာဉ်မှုစစ်ဆေးရာမှ ယာဉ်မောင်းသူထံက မူးယစ်ဆေးဝါးများ ဖမ်းဆီးရရှိ
=========
သတင်း + ဓာတ်ပုံ = ကိုတိုးကြီး
မုံရွာ၊ မေ ၂၅
စစ်ကိုင်းတိုင်းဒေသကြီး မုံရွာမြို့ အမှတ်(၁၇) ယာဉ်ထိန်းရဲတပ်ဖွဲ့ မုံရွာတပ်ဖွဲ့ခွဲရှိ ယာဉ်ထိန်းရဲများသည် မုံရွာခရိုင်ရဲတပ်ဖွဲ့ဝင်များနှင့် ပူးပေါင်း၍ ရက်တစ်ရာ စီမံချက် လုပ်ငန်းစဉ်များအရ မေ ၂၅ ရက် မွန်းလွဲ ၁၂ နာရီအချိန်က မုံရွာမြို့ပေါ်တွင် လိုက်လံလှည့်ပတ်၍ ယာဉ်မှုများစစ်ဆေးလျက်ရှိသည်။
ထိုသို့စစ်ဆေးရာတွင် မုံရွာမြို့ ကျောက္ကာလမ်းတစ်နေရာ၌ မတ်ခ်တူး နံ့သာရောင် ယာဉ်အမှတ် SHN 2D - 9097 ယာဉ်တစ်စီးအား မသင်္ကာ၍ ယာဉ်စစ်အဖွဲ့မှ နောက်ရောင်ခံ စစ်ခဲ့ရာ အဆိုပါ ယာဉ်သည် ပြည်ထောင်စုလမ်းမကြီးမှ တဆင့် သာစည်လမ်းထဲသို့ ချိုးကွေ့မောင်းနင်သွားခဲ့သည်။
၎င်းမှတဆင့် သပြေပင်တောရလမ်းအတွင်းသို့ ချိုးကွေ့ဝင်ရောက်စဉ် နောက်ရောင်ခံ လိုက်ပါလာသည့် ယာဉ်စစ်အဖွဲ့မှ ၎င်းယာဉ်အား ရပ်တန့်စစ်ခဲ့သည်။
ထို့နောက် ယာဉ်နှင့်အတူ ယာဉ်မောင်းအား အမှတ် ၁၇ ယာဉ်ထိန်းရဲတပ်ဖွဲ့ မုံရွာတပ်ဖွဲ့ခွဲရုံးဝန်းအတွင်းသို့ ခေါ်ဆောင်လာခဲ့ပြိး သက်သေများရှေ့မှောက်၌ ရှာဖွေစစ်ဆေးခဲ့ရာ အဆိုပါယာဉ်အတွင်းမှ မူးယစ်စိတ်ကြွဆေးပြား( ၁၆၆)ပြား၊ ငွေကျပ် တစ်ဆယ့်လေးသိန်း၊ နှစ်သောင်း၊ ငါးထောင်ကျပ်အား ရဲမှူး ခင်ဇော်မြင့်နှင့်အဖွဲ့က ရှာဖွေသိမ်းဆီးနိုင်ခဲ့သည်။
ယာဉ်ပေါ်တွင် မူးယစ်ဆေးစိတ်ကြွဆေးပြားမျာသယ်ဆောင်လာသူမှာ မုံရွာမြို့၊ မြို့သစ်ရပ်ကွက်၊ စိန်ပန်းပြာလမ်းနေ ကိုဝေယံမျိုးထက် ဆိုသူဖြစ်ကြောင်း ဖမ်းဆီးရဲအဖွဲ့က မှတ်တမ်းများ ရယူထားသည်။
အဆိုပါ မူးယစ်ကိစ္စအား မုံရွာမြို့မရဲစခန်းက မူးယစ်(ပ) ၆/ ၂၀၁၆ မူးယစ်ပုဒ်မ ၁၅/ ၁၉(က)၊ / ၂၀(က) အရ အမှုရေးဖွင့်၍ စစ်ဆေးဆောင်ရွက်လျက်ရှိကြောင်း သိရျိရသည်။
ကိုတိုးကြီး
0 comments:
Post a Comment