"မတူကွဲပြားခြင်း"
တွေးမိတာလေးပါ
ကျနော်တို့ တွေ့နေရသောအဖွဲ့အစည်းများမှ တစ်ချို့ နေရာယူထားသူများဟာ အဖွဲ့ရဲ့ပုံရိပ်နဲ့စည်းလုံးမှုကို ထိခိုက်စေသလားလို့ပါ။နေရာယူခြင်း၊တာဝန်ခံခြင်းမှာ တစ်ကယ်တော့ အများအတွက် မိမိကပိုအနစ်နာခံ၍အများကိုယ်စား
လုပ်ဆောင်ပေးခြင်း ဟုနားလည်ပါသည်။
သို့သော် ရာထူးနည်းနည်းမြင့်သောနေရာတစ်ခုသို့ ပေးအပ်ခြင်းခံရသော အချို့လူများက ထိုသို့မမြင်၊မိမိကအားလုံးထက် ပို၍တော်သဖြင့်မိမိသာလျှင် အရေးပါအရာရောက်ဆုံးဟုစိတ်ကြီးဝင်ကြသည်ကများလေသည်။
အများပြောတာလည်းလက်မခံ၊မိမိလုပ်မှ၊မိမိပြောမှသာ တစ်ကယ့်အလုပ်ဟု
ထင်တတ်လေသည်။
အခြားသူများ၏အဖွဲ့အစည်းအကျိုးအတွက် ဘာပဲလုပ်လုပ်အကောင်းမမြင်တတ်ပဲ
အဖွဲ့ကြီးပျက်ရာပျက်ကြောင်း လုပ်ဆောင်သည်ဟု နောက်ကွယ်တွင်
မမှန်သတင်းပြောတတ်ကြလေသည်။
ပုဂ္ဂိုလ်ရေးဘက်လိုက်တတ်ကြပြီး
၎င်းတို့အထင်ကြီးအားကျသူများ၊သွေးထိုးစကားနှင့်အကြံပေးမှုများကိုတစ်သွေမတိမ်လိုက်နာတတ်လေသည်။
အခွင့်အခါသင့်က၎င်းဆရာကြီးများ၏
ကျေးဇူးဂုဏ် ကိုထုတ်ကြွားပြီး၊နေရာကောင်းများရှိလာပါကအများဆန္ဒကိုမေးမြန်းခြင်း၊သဘောထားတောင်းခံခြင်းမပြုပဲ တစ်ဖက်သတ် ထောက်ခံအတည်ပြုကြလေသည်။
မိမိယူထားသောတာဝန်အရ အထက်နှင့်အောက်ချိတ်ဆက်ပေးခြင်း၊
ပွင့်လင်းမြင်သာအာင်ချပြခြင်းမရှိပဲ
အခွင့်အရေးပေါ်လာပါကကြိတ်လုပ်ကြိတ်ကြံတတ်သည်။ထိုသို့ကြိတ်ကြံ၍ အထမမြောက်ပါက အခြားသူများကို
အပြစ်မြင်တတ်လေသည်။
တစ်ကယ်တန်းလုပ်စရာ ရှိသည်တို့ပေါ်ပေါက်ပါက အားလုံး ၀ိုင်းဝန်းကူညီလုပ်ဆောင်ကြရပြီး မိမိယူထားသောတာဝန်မှ အခြေအနေ လုပ်ဆောင်ချက်များကိုကား အများသိအောင်ချပြလေ့မရှိချေ။
ထိုသူမျိုးမှာအလုံးစုံသိသော ပညာရှိဟန်ပန်မျိုးနှင့် အများနှင့်စကားပြောလျှင်
လုပ်ပိုင်ခွင့်ကိုအလွှဲသုံးစားပြု၍ အငြင်းသန်လေသည်။
တစ်ခြားလူမှ မပြောချင်၍နေသည်ကိုလည်း မိမိလောက်မသိ၊မိမိလောက်မတတ်ဟု
စိတ်ကြီးဝင်ကာ မာန်တက်တတ်လေသည်။
အဖွဲ့ကောင်းကျိုးအတွက်လက်ရှိ လုပ်ဆောင်နေသူများ၏ သဘောထားကို အလေးမထား၊အမေကျော်ဒွေးတော်လွှမ်းစိတ်ဓာတ်မျိုးနှင့်နေရာယူလုပ်ဆောင်နေသမျှ ကာလပတ်လုံး အဖွဲ့အစည်းမှာ အကောင်းဆုံးပုံစံသို့ရောက်ရန်အလှမ်းဝေးနေအုံးမည်သာ......................။
0 comments:
Post a Comment