21.2.2017ရက်နေ့
မော်လူးအုပ်စု အုပ်ချုပ်ရေးမှူး နှင့် ရပ်ကွက်(၂)မှ ရပ်ကွက်သူ/သားများ ပူးပေါင်း၍
ပရဟိတစိတ်အပြည့်ဖြင့် စုပေါင်းလုပ်ဆောင်မှု......
မော်လူးအုပ်စု ၊ရပ်ကွက်(၂)အရှေ့ဘုန်းတော်ကြီးကျောင်းအနီး၊နေထိုင်သော ဦးစိန်ဖေ+ဒေါ်မဦး တို့မှာ အသက်(၈၀)ကျော် အဘိုး၊အဖွားများ ဖြစ်ပြီး သား(၂)ဦးမှာလည်းဆုံးပါးသွားသည်မှာကြာပြီဖြစ်၍ ခိုကိုးရာမဲ့ဖြစ်နေရှာသည်။
မွေးချင်းညီအကို (၃)ဦးမှာလည်း ဆုံးပါးသွားပြီးဖြစ်၍ ဆွေမျိုးသားချင်းတို့၏အကူအညီ မရရှိပဲ နေထိုင်စားသောက်ရေး အင်မတန်မှ အခက်အခဲဖြစ်နေရှာသည်။
အဘိုး၊အဖွား(၂)ဦးနေထိုင်သောအိမ်မှာလည်း ငွေတိုးယူ စားသောက်နေထိုင်ရသဖြင့် အတိုးပိပြီး အိမ်လည်းဆုံး ၊နေထိုင်စရာလည်း မရှိ ဒုက္ခရောက်နေရှာသည်။
အဖိုးဦးစိန်ဖေမှာ လမ်းမလျှောက်နိုင်ပဲအိပ်ယာထဲလဲနေသည်မှာကြာပြီဖြစ်ပြီး အဖွားဒေါ်မဦးက ယိုင်နဲ့နဲ့ လမ်းလျှောက်နိုင်သေးသည်။သို့သော် ရှာဖွေလုပ်ကိုင်နိုင်ဖို့ အသာထား ထမင်း၊ဟင်းပင် ချက်ပြုတ်ရေး မလုပ်ဆောင်နိုင်တော့ပါ။
နေရေး၊စားရေး အခက်အခဲဖြစ်နေရှာသော အဘိုး၊အဖွား(၂)ဦးအား ရပ်ကွက်နေလူများမှ မကြည့်ရက်နိုင်၍ နေထိုင်စရာနှင့် စားသောက်ကျွေးမွေးရေးအစီအစဉ်က်ို ယနေ့ စုပေါင်းလုပ်ဆောင်ကြသည်မှာ ၀မ်းသာပီတိဖြစ်ရသည်။
အိမ်နီးနားချင်း တစ်အိမ်ကျော်မှ မချိုမိသားစုပိုင်နေအိမ်ဝင်းအတွင်း ဆောက်လုပ်နေထိုင်ခွင့်ပြုပေးသည်။
မော်လူးအုပ်စုအုပ်ချုပ်ရေးမှူး ဦးစိုးမြင့် ဦးဆောင်၍ ရပ်ကွက်(၂)ရပ်ကွက်သူ/သားများ မှ အဘိုး/အဖွား(၂)ဦးနေထိုင်ရန် (၂)ခန်းပတ်လည်သွပ်မိုး ၊ ပျဉ်ခင်း ၊ ထရံကာ အိမ်လေး အား ယနေ့အပြီး ဆောက်လုပ်ပေးကြသည်။
မော်လူးလျှပ်စစ်ဝန်ထမ်းများမှလည်း အဘိုးအဖွားတို့ နေထိုင်ရာအိမ်လေးအား လုပ်အားခ မယူပဲ လာရောက်မီးသွယ်တန်း တပ်ဆင်ပေးကြသည်။
၂ခန်းပတ်လည်းအိမ်အတွင်း အညစ်အညစ်အကြေးစွန့်ရန် အိမ်သာခွက်နှင့် ပိုက်ပါ အဆင်ပြေအောင် လုပ်ဆောင်ပေးထားကြသည်။
အဖိုးအဖွားတို့ အရင်နေထိုင်ရာအိမ်မှ ပစ္စည်းသယ်ယူနေကြပုံများ၊ ရပ်ကွက်သူ/သားတို့ နေအိမ်ဆောက်လုပ်ပေးနေပုံများ၊ လျှပ်စစ်မီး သွယ်တန်းပေးသော လျှပ်စစ်ဝန်ထမ်းများ ၊ ၀ိုင်းဝန်းကူညီပေးကြသော ပုံရိပ်များအား ကြည့်၍ ယနေ့ ၀မ်းသာပီတိမျက်ရည်စို့ရပါသည်။
ရပ်ကွက်(၂)မှ ရပ်ကွက်သူ/သားများအား အထူးကျေးဇူးတင်လျှက်.........
