ယင်းနောက် လက်ရှိအစိုးရ တက်လာပြီးကာလအတွင်း ရခိုင်ပြည်နယ်အတွင်းဖြစ်ပွားခဲ့သည့် ပဋိပက္ခများကြောင့်ဖြစ်ပေါ်လာသည့် ဘင်္ဂါလီ အရေးကိစ္စတွင် ရခိုင်တိုင်းရင်းသားများနှင့် ဒေါ်အောင်ဆန်းစုကြည်တို့အကြား စည်းလုံးမှုပျက်ပြားစေသည့် တစ်ဖက်သတ် သတင်းစကားများကြောင့် ရခိုင်တိုင်းရင်းသားများနှင့် ဒေါ်အောင်ဆန်းစုကြည်တို့ အထင်လွဲမှုများ ရှိခဲ့သည်ဟု ပြည်သူများက မှတ်ယူခဲ့ကြသော်လည်း ယခု တစ်ခေါက် ဒေါ်အောင်ဆန်းစုကြည်၏ ရခိုင်ပြည်နယ်ခရီးစဉ်သည် ရခိုင်ပြည်သူများနှင့် ပြန်လည်နီးစပ်ခွင့် ရရှိခဲ့ကြောင်း နိုင်ငံရေးလေ့လာသုံးသပ်မှုများက ဆိုသည်။
ရခိုင်တိုင်းရင်းသားအများစုသည့် ဒေသခံ ရခိုင်တိုင်းရင်းသား ပါတီများကို မဲထည့်မည်ဆိုသော်လည်း ဒေါ်အောင်ဆန်းစုကြည်ခရီးစဉ်တွင် အခြား တိုင်းရင်းသားပြည်နယ်များ နည်းတူ မြို့လုံးကျွတ်နီးပါး ကြိုဆိုခဲ့ကျသည်။
ယင်းအပြင် ရခိုင်ပြည်သူတို့ လက်ရှိခံစားနေရသော အခက်အခဲများအား လက်တွေ့ခံစားသိမြင်ပြီး နောင်အနာဂတ်ကာလ၌ ရခိုင်တိုင်းရင်းသားများ ဘက်မှ ပိုမိုရပ်တည်ရုန်းကန် လာမည်ဟု ယင်းတို့ အနေဖြင့် မျှော်လင့်မိကြောင်း ရခိုင်အမျိုးသားကွန်ရက်မှ ခရီးစဉ်ကို ကြိုဆိုကြောင်း ဆိုကာ ထုတ်ပြန်ကြေညာချက် တစ်စောင် ထုတ်ပြန်ခဲ့ခြင်းများရှိခဲ့သည်။
ဒေါ်အောင်ဆန်းစုကြည်၏ ရခိုင်ပြည်နယ် ခရီးစဉ် လုံခြုံရေးမှာလည်း စိုးရိမ်စရာ မရှိကြောင်း ၊ ရဲတပ်ဖွဲ့ဝင်များစွာကလည်း လိုက်လံစောင့်ရှောက်ခဲ့ ကြသည်။ သံတွဲလေဆိပ်သို့ ရောက်ရှိစဉ် ဒေသခံများစွာက ကြိုဆိုခဲ့ကြကြောင်းလည်း သိရသည်။
လူဦးရေ အလွန်ခေါင်ပါးသည့် သံတွဲ တောင်ကုတ်လမ်း တစ်လျောက် မှာပင် ရွာသူရွာသားများက လမ်းဝဲယာ တစ်လျောက် ကြိုဆိုမှုများကို အံ့သြမိသည်ဟု ပြည်တွင်းမှ နိုင်ငံခြားသတင်းဌာနမှ တစ်ဦးက ၄င်း၏ ဖေ့ဘုတ်စာမျက်နှာတွင် ပုံများဖြင့် ဖော်ပြခဲ့သည်။ ခရီးစဉ်ဖြင့် လိုက်ပါခဲ့သော် ပြည်တွင်းပြည်ပ သတင်းအသိုင်းအ၀ိုင်းမှ ဒေါ်အောင်ဆန်းစုကြည်၏ ရခိုင်ခရီးစဉ်သည် အားရဖွယ် အောင်မြင်ခဲ့သည်ဟု ရေးသားဖော်ပြခဲ့ကြသည်။
ထို့အပြင် ဒေါ်အောင်ဆန်းစုကြည်အနေဖြင့် ရခိုင်ပြည်သူများအား တွေ့ဆုံပြီး မဲဆွယ်စည်းရုံးရေး မိန့်ခွန်းများအပြင် ဒေသခံသိလိုသည် အမေးများ ပြန်လည်ဖြေကြားရာတွင် ဒေသခံများအနေဖြင့် စိတ်ကျေနပ်မှု များရရှိခဲ့ခြင်းများရှိကြောင်း ဒေသခံ များက The Ladies သတင်းဂျာနယ်သို့ပြောပြကြသည်။
အချိူ့သော မေးခွန်းများသည် ဒေသခံများအပေါ် တစ်ဖက်မှ ဒေါ်အောင်ဆန်းစုကြည်နှင့် ဝေးသွားစေရန် အထင်အမြင်လွဲမှားစေသည့် သတင်းများ လွှင့်ထားခြင်းများရှိကြောင်းကို ပေါ်လွင်ထင်ရှားစေခဲ့သည်။ တောင်ကုတ်တွင် လာရောက်အားပေးသည့် လူအုပ်ကြီးကဲ့သို့ ပင် အောက်တိုဘာ ၁၇ ရက်တွင် သံတွဲမြို့တွင် ပြုလုပ်သည့် မဲဆွယ်စည်းရုံးရေးအခမ်းအနားတွင် လျော့နည်းသွားခြင်းမရှိဘဲ ပိုများလာကာ ကွင်းပြည့်ကွင်းလျှံ အားပေးခဲ့ခြင်းများရှိကြောင်း ပြည်တွင်း ဓာတ်ပုံသတင်းထောက်များ တင်ဆက်သည့် ဓာတ်ပုံများမှ သိနိုင်သည်။
ထို့ကြောင့် ရခိုင်ပြည်နယ်ခရီးစဉ်တွင် ဒေသခံရခိုင်တိုင်းရင်းသားများနှင့် ဒေါ်အောင်ဆန်းစုကြည်တို့၏ အပြန်အလှန် မေးမြန်ဖြေကြားချက်များမှ ကောင်းနိုးရာရာများကို စုစည်းဖော်ပြလိုက်ပါသည်။
အွန်လိုင်းတွင် ပြန်နှံနေသည့် နိုင်ငံခြားအဖွဲ့အစည်းများနှင့်ပတ်သက်နေသည့် သံသယမေးခွန်းများ ၊ NLD အနိုင်ရပါက အခြားလူမျိုးစု တစ်ခုမှ လွှမ်းမိုးခံရနိုင်ဖွယ်ရှိကြောင်း မေးခွန်းများအပြင် NLD မဲအနိုင်ရရှိခဲ့ပြီး အစိုးရ ဖွဲ့ပါက တစ်ဖက်မှ တုန်ပြန်မှုများအပေါ် စိုးရိမ်မိသည့် အနေဖြင့် ရခိုင်ဒေသခံတိုင်းရင်းသားများ မေးမြန်းမှုများကို မဲဆန္ဒရှင်ပြည်သူများနားလည်အောင် ပြန်လည်ဖြေကြားခဲ့ခြင်းများရှီခဲ့သည်။
တောင်ကုတ်ဒေသခံတစ်ဦးက`` အမေစုတို့နိုင်ရင် သူပုန်တွေဝင်လာမယ်ဆိုပြီးပြောနေကြပါတယ် ။ အဲဒါဖြစ်နိုင်သလားဆိုတာသိချင်ပါတယ်။ ´´
ဒေါ်အောင်ဆန်းစုကြည်က`` ဘယ်ကသူပုန်တွေလဲ ´´
မေးမြန်းသူက`` မသိပါဘူး ။ ရခိုင်သူပုန်တွေ …´´
ဒေါ်အောင်ဆန်းစုကြည်က ``ဘယ်ကမှန်းလဲ မသိဘဲနဲ့ သူတို့ ဘာသူတို့လျှောက်ပြော နေကြတာဖြစ်တယ် ။ အဲဒီလိုအဆင့်အတန်း မရှိတဲ့ နိုင်ငံရေးစည်းရုံးမှုတွေဟာ ကျွန်မတို့နိုင်ငံအတွက် အန္တရာယ်ပဲ ။ ကျွန်မတို့ အဖွဲ့ကိုတိုက်ခိုက်နေကြတယ်ဆိုရင် အဲဒီလိုလုပ်တဲ့ သူတွေဟာ ဘယ်လိုလုပ် ဒီနိုင်ငံရဲ့အကျိုးကိုထမ်းဆောင်နိုင်မှာလဲလို့ ပြောချင်ပါတယ်။ ဒါကြောင့် အဲဒီအဖွဲ့တွေကို မဲမပေးနဲ့နော် ။ ကျွန်မတို့ ကိုပဲပေးပါ ´´ဟု ရယ်မောရင်းပြန်လည်ဖြေကြားခဲ့သည်။
ယင်းကဲ့သို့ပင်အခြား တောင်ကုတ်မြို့ဒေသခံ `` ကျွန်တော်တို့ ရခိုင်ပြည်နယ်မှာ အများအားဖြင့်ခံစားချက်ရှိနေတာက ( ကျွန်တော်ကတော့ မယုံပါဘူး ) အမေစုသမ္မတဖြစ်ရင် ကုလားတွေဝင်လာမယ်ဆိုတာကိုပြောနေကြတယ်။ ဒါဟုတ်နိုင်ပါသလားဆိုတာကိုဖြေကြားပေးစေလိုပါတယ်´´
ဒေါ်အောင်ဆနုးစုကြည်က`` ဒါဟာ တစ်စုတစ်ဖွဲ့ကနေပြီးတော့ တစ်နိုင်ငံလုံးအတိုင်းအတာနဲ့ ၊ စနစ်တကျနဲ့ ၀ါဒဖြန့်ချိမှု လုပ်နေတယ်လို့ ကျွန်မ ဒီလိုပဲထင်ပါတယ်။ ဒီမိုကရေစီအစိုးရ တစ်ရပ်ဆိုတာ လုပ်ချင်တိုင်းလုပ်လို့ရတာမဟုတ်ပါဘူး။ ပြည်သူ့ရဲ့ဆန္ဒကိုဆန့်ကျင်ပြီးတော့ ဘာမှလုပ်လို့မရပါဘူး ။ နောက်တစ်ခုက ဒီလို လူမျိုးရေး ဘာသာရေး ကိစ္စတွေကို နိုင်ငံရေးအရ စည်းရုံးမှုတွေဟာ ဖွဲ့စည်းပုံအခြေခံဥပဒေကို ချိုးဖောက်ရာ ရောက်တယ်။ ဥပဒေအရ အရေးယူနိုင်ပါတယ်´´ဟု ဖြေကြားခဲ့သည်။
နောက်ထပ် ဒေသခံအမျိုးသားတစ်ဦးက``ကျွန်တော်တို့ အွန်လိုင်းပေါ်မှာတက်နေတဲ့ ၊ ပြန့်နေတဲ့ RSO ခေါင်းဆောင်တွေဆီ စာရေးပြီး အကူအညီတောင်းတယ်ဆိုတာဟုတ်ပါသလား´´ဟု အွန်လိုင်း သတင်းများပတ်သက်ပြီး သိလိုသည်ကို မေးမြန်းခြင်းခဲ့ကြောင်း သိရသည်။
ယင်းအပေါ် ဒေါ်အောင်ဆန်းစုကြည်က``ကျွန်မတို့နိုင်ငံရေးလုပ်တယ်ဆိုတာ ကျွန်မတို့ ပြည်သူတွေကိုအားကိုးပြီးလုပ်တာပါ ။ ဘယ်နိုင်ငံခြားအစိုးရတွေကိုမှ အားကိုးပြီးလုပ်တာမဟုတ်ပါဘူး ။ အဲဒီလိုစွပ်စွဲတဲ့သူတွေကိုယ်တိုင်လည်း ဘယ်နိုင်ငံခြားအစိုးရ ကိုအားကိုးနေသလဲလို့ ကျွန်မပြန်ပြီး မေးချင်ပါတယ် ´´ဟု ဖြေကြားရင်း သတင်းလွှင့်သူများအပေါ် မေးခွန်း ပြန်ထုတ်ခဲ့သည်။
ဆက်လက်ပြီး ၁၉၉၀ ဖြစ်စဉ်တွင် NLD မဲ အပြတ်အသတ် အနိုင်ရခဲ့သည့်အတွက် ထိုစဉ်က တာဝန်ယူခဲ့သည့် စစ်အစိုးရတာဝန်ရှိသူများက အခြေခံ ဥပဒေ အကြောင်းပြကာ အာဏာပေးခြင်းများမရှိခဲ့သည့် အတွက် ယခုတခါ အနိုင်ရရှိခဲ့လျှင် အာဏာလွှဲပြောင်းမှုဖြစ်စဉ်သည် ချော့မွေ့နိုင်ပါ့မလား မေးမြန်းရာတွင် ၁၉၉၀ ကာလနှင့် ၂၀၁၅ ကာလတို့ သည် ကွာခြားသွားပြီဖြစ်ကြောင်း ပြည်သူများက အနိုင်ရရှိမှုအပေါ် ခိုင်မာစွာ ရပ်တည်နိုင်လျှင် မဖြစ်မနေလွှဲပေးရမည့်ဖြစ်ကြောင်း ရှင်းလင်းစွာဖြေကြားခဲ့သည်။
ထို့ကဲ့သို့ အမေးအဖြေများ ဖြေကြားခဲ့ကြပြီး ဒေါ်အောင်ဆန်းစုကြည် ၏ ရခိုင်ပြည်နယ် တောင်ပိုင်းခရီးစဉ်ဖြစ်သည့် တောင်ကုတ်၊ သံတွဲ၊ ဂွမြို့နယ် ခရီးစဉ်သည် ရခိုင်ပြည်နယ်အတွင်း ကြယ်ဖြူခွပ်ဒေါင်းအလံများဝဲပျံနိုင်ခဲ့ကြောင်း ဒေသခံတစ်ဦးဖြစ်သည့် ဦးကျော်အေး ကပြောသည်။
ရခိုင်ပြည်နယ်ခရီးစဉ်အပြီးတွင် ဧရာဝတီတိုင်း ငသိုင်းချောင်းမြို့၊ ရေကြည်၊ ကျုံပျော်မြို့များသို့ သွားရောက်ရာတွင် အခြား တိုင်းဒေသကြီးပြည်နယ်များ နည်းတူ ကွင်းလုံးကွင်းလျှံအောင်အားပေးမှုရရှိခဲ့ပြီး ယင်းမှ အောက်တိုဘာ ၁၈ ရက် ည ၈ နာရီကျော်မှ ရန်ကုန်မြို့တက္ကသိုလ်ရိပ်သာလမ်းရှိ နေအိမ်သို့ ပြန်လည်ရောက်ရှိခဲ့ကြောင်း သိရသည်
0 comments:
Post a Comment