Thursday 10 March 2016
Home »
» မြစ်ဆုံငိုရှိုက်သံ
မြစ်ဆုံငိုရှိုက်သံ
04:56
No comments
အရင်အစိုးရလက်ထက်မှာ ချိန်ကိုက်
ဗုံးတစ်လုံးလိုထောင်ထားခဲ့သော
မြစ်ဆုံအရေးဟာအစိုးရသစ်လက်
ထက်မှာလှုပ်နိုးလာတော့မှာဖြစ်ပါ
တယ်။
ဒါကြောင့်.....
မြစ်ဆုံအရေးသွေးနွေးနေကြဖို့
တပ်လန့်နိုးဆော်သည့်အနေဖြင့်
ဆရာဆူးအိမ်လှိုင်း၏ မြစ်ဆုံငိုရှိုက်
သံကဗျာဖြင့် ဧရာဝတီချစ်သူများ
နှင့်သဘာဝပတ်ဝန်းကျင်မြတ်နိုးသူ
များကိုတပ်လန့်လိုက်ရပါကြောင်း.....
မြစ်ဆုံငိုရှိုက်သံ
~~~~~~~~~~
ငါ့မှာဘာအပြစ်ရှိလို့လဲလူသားတို့
ရယ်.....။
ပြိုင်ဘက်ကင်းအလှမျိုးမဟုတ်တောင်
ပန်းတစ်ပွင့်ရဲ့
အိနြေ္ဒမျိုးနှင့်မင်းတို့တိုင်းပြည်ကို
အလှဆင်ခဲ့......။
ငါ့မှာရှိသလောက်အားအင်နှင့်
မေခ၊မေလိခပေါင်းစည်းပြီး
မင်းတို့အသက်သွေးကြော
ဧရာဝတီကိုတည်ပေးခဲ့
ငါ့ရဲ့မေတ္တာနှင့်တောတောင်တွေစိမ်း
လန်းစေခဲ့....။
မြေပေါ်ရေထဲ
သယံဇာတတွေအဆစ်ပေးခဲ့တယ်။
ငါ့မှာဘာအပြစ်ရှိလို့လဲလူသားတို့
ရယ်.....။
လူသားမဆန်ပုံက
ငါနှလုံးသားကိုလာခွဲနေကြ
ဟက်တက်ကွဲမှာကပြည်သူ့နလုံး
သားပါ....။
ငါ့ကိုကယ်ကြပါ
လူသားဆန်သူတို့ရယ်
တိုင်းပြည်သာယာဝပြောအောင်
အားကောင်းမောင်းသန်ဧရာဝတီကို
ကမ္ဘာတည်သ၍
လက်ဆောင်ပေးနေချင်လိုက်တာ..။
ငါ့မှာဘာအပြစ်ရှိလို့လဲကွယ်....။
ဆူးအိမ်လှိုင်း
ဘဝအမောတွေပြေကြပါစေ
ဘဝခရီးသည်
0 comments:
Post a Comment