မြစ်ကြောင်းထဲတွင် တရားမဝင်ကျွန်းသစ်လုံးဖောင်များ ပိုင်ရှင်မဲ့ဖမ်းမိ
-----------------------------------------------------
မန္တလေးတိုင်းဒေသကြီး သပိတ်ကျင်းမြို့နယ် ဂွေးပင်မှော်ကျေးရွာအနီး ဧရာဝတီမြစ်ကြောင်းထဲတွင် မေလ ၂၅ ရက် ညနေ ၃ နာရီခွဲခန့်က တရားမဝင် ပိုင်ရှင်မဲ့ ကျွန်းသစ်လုံးဖောင်များ ဖမ်းဆီးရမိခဲ့ကြောင်း သပိတ်ကျင်းမြို့နယ် သစ်တောဦးစီးဌာနတောအုပ်ကြီး ဦးစောတင်ဝင်းက ပြောကြားသည်။
သစ်တောဌာနမှ မော်တော်ရေယာဉ်ဖြင့် ရှင်းလင်းရေးဆောင်ရွက်စဉ် ကျွန်းသစ်တိုင် ၉ ပေတိုင် ၂၉၀ လုံးခန့် ( ၂၃ ဒသမ ၈၀၈ တန်ခန့်) ကို ဖမ်းဆီးရမိခဲ့ခြင်းဖြစ်ပြီး စဥ့်ကူးမြို့နယ် မြစ်ကြောင်းတွင်လည်း သစ်ဖောင်များ ဖမ်းဆီးရမိခဲ့ကြောင်း၊ ဖမ်းဆီးရမိသည့်အရေအတွက်မှာ များပြားလွန်းသဖြင့် စာရင်းအတိအကျ ထုတ်ပြန်၍မရနိုင်သေးကြောင်း စဥ့်ကူးမြို့နယ် သစ်တောဦးစီးဌာနမှ တာဝန်ရှိသူတစ်ဦးကဆိုသည်။
အဆိုပါ ပိုင်ရှင်မဲ့ ဖမ်းဆီးရမိခဲ့သည့် ကျွန်းသစ်လုံးများကို မြန်မာ့သစ်လုပ်ငန်းဌာနသို့ လွှဲပြောင်းသွားမည်ဖြစ်ကြောင်း သပိတ်ကျင်းမြို့နယ် သစ်တောဦးစီးဌာနမှ တာဝန်ရှိသူတစ်ဦးကဆိုသည်။
(ဓာတ်ပုံ- တင်ဇော်ဦး)
0 comments:
Post a Comment