ဒေါ်စုပြောပြီ
ပါတီဝင်ထားရင် ပါတီစည်းမျဉ်းစည်းကမ်း
လိုက်နာရမယ်
ပညာတွေဘယ်လောက်တတ်တတ်။
စီးပွားရေး ဘယ်လောက်အောင်မြင်အောင်မြင်။
ကမ္ဘာကြီးကို ဘယ်လိုပတ်ခဲ့ပတ်ခဲ့ ။
ကိုယ့်ဘာသာကိုယ်ပါတီဝင်ပါမယ်လို့ ဆုံးဖြတ်ထားပြီးမှ ပါတီရဲ့စည်းမျဉ်းစည်းကမ်းတွေကို လိုက်နာရမှာပါ။
အဲဒီပါတီဟာ မြန်မာကို ကမ္ဘာနဲ့ ရင်ဘောင်တန်းနိုင်အောင် စည်းမျဉ်းစည်းကမ်းတွေနဲ့ ကြိုးစားဖော်ဆောင်ပေးမယ့်ပါတီဖြစ်နေလို့ ပါဘဲ။
=======================================
အဖွဲ့တစ်ခုကို ဝင်ပြီဆိုကတည်းက နိုင်ငံရေးအဖွဲ့အစည်းပဲဖြစ်ဖြစ်၊ လူမှုရေးအဖွဲ့အစည်းပဲဖြစ်ဖြစ် ဘယ်လိုအဖွဲ့ အစည်းမျိုးပဲဖြစ်ဖြစ်၊ အဖွဲ့တစ်ခုကိုဝင်ပြီဆိုကတည်းက ဒီအဖွဲ့ရဲ့ စည်းမျဥ်းစည်းကမ်းတွေကို လိုက်နာပါမယ်ဆိုတဲ့ စိတ်ဓါတ်နဲ့ဝင်ရမှာ ဖြစ်ပါတယ်။
ဒါက ကိုယ့်ရဲ့ သဘောအရ လွတ်လွတ်လပ်လပ်ဝင်လို့ရတယ်လို့ ဆိုလိုတာပါ။
ဒီမိုကရေစီမဟုတ်တဲ့ နိုင်ငံတွေမှာဆိုရင် အာဏာရှင်များရဲ့ ဖိအားပေးမှုအရ၊ အာဏာရှင်များရဲ့ ပြဌါန်းချက်အရ မဝင်မနေ ဝင်ရတဲ့ အဖွဲ့အစည်းတွေဆိုလည်း ရှိခဲ့ဘူးပါတယ်။
အဲဒိဟာကျတော့လည်းကိုယ်ကနေ သဘောမတူပေမယ့်လည်း ကိုယ်ကနေ စိတ်မပါပေမယ့်လည်း၊ ကြောက်လို့ပဲဖြစ်ဖြစ်၊ အကြောင်းကြောင်းကြောင့် ဝင်သွားပြီဆိုရင်လည်း အဲဒီပါတီတွေရဲ့ စည်းမျဥ်းစည်းကမ်းတွေရဲ့ ထိန်းကွပ်မှုကို ခံသွားရတာပါပဲ။
ကျွန်မတို့ အခု ဒီမိုကရေစီနိုင်ငံရေးဆိုတာတော့ ဘယ်သူကမှ အတင်းဝင်ခိုင်းတာတော့မဟုတ်ပါဘူး။
ကိုယ့်သဘောဆန္ဒအရ ဝင်တာဖြစ်ပါတယ်။
သို့သော်ငြားလည်း ဒီပါတီကို ဝင်ပြီဆိုမှဖြင့် ဒီပါတီက သတ်မှတ်ထားတဲ့ စည်းမျဉ်းစည်းကမ်းတွေကို လိုက်နာရပါမယ်။
မလိုက်နာချင်ရင် ဝင်စရာအကြောင်းမရှိပါဘူး။
ကိုယ့်ဘာသာကိုယ်ဝင်ပါမယ်လို့ ဆုံးဖြတ်ထားပြီးမှ ဒီစည်းမျဉ်းစည်းကမ်းတွေကို လိုက်နာရမှာပါ။
အဲဒါနဲ့ပတ်သက်ရင်တော့ ကျွန်မတို့အဖွဲ့ချုပ်က တိတိကျကျ လုပ်ဆောင်သွားမှာပါ။ ကျွန်မတို့ကြိုးစားပါတယ်။
ကျွန်မတို့စည်းကမ်းထိန်းသိန်းရေးအဖွဲ့ဆိုရင်လည်း ဒါဟာ အစီရင်ခံစာထဲမှာ ပါမှာပါ။
ဒီကိစ္စတွေကို ကျွန်မတို့ ထိထိရောက်ရောက်နဲ့ လုပ်နိုင်ဖို့အတွက် ကျွန်မတို့ ပြန်ပြီးတော့ ပြုပြင်ပြောင်းလဲရတာမျိုးတွေ ရှိပါလိမ့်မယ်။ စည်းမျဉ်းစည်းကမ်းဆိုတာ အင်မတန်မှ အရေးကြီးပါတယ်။
အထူးသဖြင့် ကျွန်မတို့လို တစ်နိုင်ငံလုံးကို အခြေပြုထားတဲ့ပါတီ၊ နောက်ပြီးတော့ ပါတီဝင်အင်မတန်မှ များတဲ့ပါတီ၊ နောက်ပြီးတော့ ကျွန်မတို့မှာ အင်မတန်မှ အခွင့်အရေးနည်းနဲ့ ပါတီဖြစ်ပါတယ်။ ကျွန်မတို့မှာ ငွေရေးကြေးရေးလည်း မရွှင်ပျပါဘူး။
ကျွန်မတို့မှာ အဓိက အားဖြင့် ပါတီဝင်များရဲ့ အရည်အချင်းကို အားကိုပြီးတော့ ကျွန်မတို့ဖြစ်စေချင်တဲ့ နိုင်ငံရေးတစ်ခုဖော်ဆောင်ဖို့ ကျွန်မတို့ကြိုးစားနေခြင်းဖြစ်ပါတယ်။
ဒါကြောင့် ကျွန်မတို့ရဲ့ အဖွဲ့ချုပ်ဝင်များဟာ စည်းမျဉ်းစည်းကမ်းများအရ လုပ်ဆောင်ဖို့ဟာ အင်မတန်မှ အရေးကြီးပါတယ်။
ကျွန်မတို့အဖွဲ့ချုပ်ရဲ့ မူဝါဒတွေ၊ ကျွန်မတို့အဖွဲ့ချုပ်ရဲ့ ရည်ရွယ်ချက်တွေဟာ ကျွန်မတို့ရဲ့ အခြေခံဥပဒေမှာ ထည့်သွင်းပြီးဖြစ်ပါတယ်။ အဲဒီဟာတွေ ကြည့်လိုက်ပြီးတော့ ဒီဟာတွေကို သဘောတူလို့၊ ဒီဟာတွေကို လက်ခံလို့ ပါတီထဲမှာဝင်ပြီးတော့ လုပ်ကိုင်နေတဲ့ ပါတီဝင်များဟာ ဒီပါတီရဲ့ စည်းမျဉ်းစည်းကမ်းတွေကိုလိုက်နာရမယ်၊ ထိန်းသိမ်းရမယ်ဆိုတာ ကျွန်မ ထပ်ပြီးတော့ ပြောပါရစေ။
ဒေါ်အောင်ဆန်းစုကြည်
ခရက်ဒစ်/ ပါသည်
0 comments:
Post a Comment